عندما يلتقي شاعران بحجم مستور العصيمي وحبيب العازمي في شعر المحاورة فإن الجماهير تترقب دائما مطارحة شعرية ساخنة تتضح فيها قدرة الشاعرين على الفتل والنقض وسبك المعنى بطريقة استثنائية واليكم إحدى لقاءات الشاعرين في إحدى المناسبات:
حبيب العازمي:
ابن تركي يباله قاف مثل النار والبنزيـن
حريقه في حريقه والمطافـي ماتطفيهـا
على شان العلوم اللي نبى تفسيرها بعدين
يخربها ولد جـاره ولا يقـدر يسويهـا
مستور العصيمي:
ليا شبيتها نرميك فيها ياغـراب البيـن
عليك اتشبها وأنا علـي اكفتـك فيهـا
والا يالعازمي ماني بزايد فوق دينك دين
أخذ عبر التجارب فاول الدنيا وتاليهـا
حبيب العازمي:-
أنا ماني غراب البين أنا خلالً يخل العين
وأنا وشلون احول وسطها وأنت متوقيها
ثمان سنين زايدها ثمان سنين كم سنيـن
نعشي الأرنب السوداء وتفتلنـا باذانيهـا
مستور العصيمي:
بنيناها على طول الليالي مثل سور الصين
تراكم صيدة ً فالوقت نطبخهـا ونشويهـا
ولا يارعي الحجه نبى برهانهـا ذالحيـن
ولا تغدي علينـا بيـن كاتبهـا وقاريهـا
حبيب العازمي:-
حديتونا على علـم الـردى ياربعنـا الغاليـن
رديه والرديـه راجعه فـي حـظ راعيهـا
يموت البخيل والحبحبه حمراء على السكين
ولا يقـدر يقطعـهـا ولا يـقـدر يخليـهـا
مستور العصيمي:-
عسى الله ينصر الإسلام ويقوم عمود الدين
ويكتب لك ثوابك فالصلاة اللـي تصليهـا
ابوي امحارب الكفار في غزوة بدر وحنين
وأبوك اللي ماغير يسند الديـره وينحيهـا
حبيب العازمي:-
يقولون الرجال الضعف دائم حيلة المسكين
وحنا أهل المـروه والضعافـه ماندانيهـا
ابوك الله يغفر له قضاها مع رعاة الضين
ويزعل لو يشوفك فالغنم سـارح مفليهـا
مستور العصيمي:-
يقولون الرجال العز ضرب السيف ابوحدين
وابا اذكرك في بعض اللحون اللي تغنيهـا
أنا دوبي عرفتك ياحبيب بعـد عـام الفيـن
واعاين في وجيه الناس واجرحها واداويها