نعم ألفين

مثل جمرهـ بكفي

نارها وقّـاد

مثل جرحٍ لبس فيني

ثياب جداد

مثل حِـس المطر حبك

يجي فجأه بلا ميعاد

يجيني في سكون الليل

يجيني ويل

يجيني مثل نجم سهيل

عيونه تحضن عيوني

وقلبه صايرٍ لي مهاد

نعم مرة

نعم ثنتين

نعم ألفين

نعم مليون

أحبك لو يصير الكون

حسود وعاذلٍ مجنون

أحبك ليش لاتسأل

أحبك لنّك الأجمل

بعيني يا بعد عيني

نعم والله أبي حبك

واحلف إني أنا احبك

ولكن بيننا حاجز وخوف وبرد

وعالم همها دايم تدوس الورد

نعم أبغاك تكون العشق بأوراقي

وابيك الحرف وابيك تكون لي مدادي

أبيك الناس وابيك إحساس

وابيك تكون لي معنى

وابي أحياه واقعنا

يا مشغلني وانا توي أعرفك توْ

أنا ودي تشيل من عالمي هـ (اللـو)

تكون أقرب من عروقي إلى عروقي

وتصبح ضحكة في شروقي

وكل اللي تبي بي سَـوْ

أنا روحك

أنا بوحك

أنا اللي في هواك آهيم

وابني عالي صروحك