فوال.. فوال على عربة مزركشة على ناصية حارة يلتف حوله البسطاء.. كنت متشوقا لهذه اللمة التي من خلالها ترى بلا مواربة.. قلوب الناس وتقرأ كيف يفكرون.. انحشرت بينهم.. طلبت صحن فول بالزيت الحار (وهو لمن لا يعرفه زيت بذرة الكتان) دارت من حولي الحوارات.. البسطاء هنا يقتسمون كل شيء بدءا من البصلة ورغيف الخبز وانتهاء بابتساماتهم وأوجاعهم ومشكلاتهم سياسة دولية، كورة، فن.. أحدهم أنهى فطوره وطلب الحساب.. الفوال بدأ يحسب: رغيفين، صحن فول حار، بيضة مسلوقة، سلطة، مخلل، صاح : أربعة جنيه وخمسة وسبعون قرش يا اسطى. رد (الفطران): ليه يا عم الحج.. هو انا بأفطر في (شيراتوم)! ابتسمت في داخلي.. لم أرغب في التدخل للتصويب.. رد الفوال : أنت عارف الدولار بقى بكام النهارده! ما أنتوا مصيبتكم انكم بتاكلوا وبس.. مش حاسين بحاجة.. هو انت فطرت علف.. ده فول بزيت حار يجلي صدرك وحليت ببيضة !
صرخ الزبون وكأنه يشهد الناس من حوله : دولار ! دولار إيه يا حج.. انت شايفني لابس برنيطة ومعايا كلب والا انا كلت بيض (أمريكاني) ! ضحكنا جميعا.
تاكسي.. المظاهرات تخرج هنا في أي وقت ومن كل مكان وأي مكان ولأتفه الأسباب.. ترى مجموعة صبية يهللون: يسقط البتنجان.. تسقط الطماطم.. الشعب يريد تغيير الهدوم.. شيء غريب وعجيب.. حالة انفلات غير مفهومة.. المهم.. أردت أن أوقف تاكسي.. الأول : على فين يا بيه ؟ قلت : مصر الجديدة إن شاء الله.. أجاب ببرود : لا معلشي.. أصل أنا رايح شبرا ..!
الثاني : الباشا رايح على فين ؟.. أجبت : مصر الجديدة إن شاء الله.. رفع حواجبه وكأني طلبت أن يوصلني أسوان : ياه مصر الجديدة.. لا لا سامحني أنا رايح الجيزة !!
وهكذا.. أكثر من تاكسي كلهم يعتذرون عن توصيلي.. قررت أن أحتال عليهم.. أوقفت الثالث.. بادرته قبل أن يسألني: على فين الباشا ؟! نظر إلي وضحك.. إيه يا بيه.. شكلك كده التكسجية غلبوك؟! يعني هاتروح معايا مكان ما انا رايح ؟!
ــ لا طبعا بس طالما ان انت البيه السواق وانا الزبون المسكين.. فمن اللياقة أن أسألك وجهتك لعلك تاخدني على طريقك !
ركبت وبدأ يشرح لي أسباب رفض التاكسيات المتكرر لتوصيلي لمصر الجديدة.. وبدأت حكايات المظاهرات، الغلاء، الأقساط الزحام، العيال وطلباتهم، أزمة السولار، حماس، الفلول، السلفيين والإخوان، أبو تريكة، ميدان التحرير !!.
وأخيرا، باغتني بسؤال: وانتوا بقى كده.. عاملين إيه في ليبيا بعد ما ( فلسعتوا) القذافي ؟!.
ضحكت من قلبي، وضحك ثم سألني: بتضحك على إيه يا بيه!؟.
ورزقي على الله.