أنهى الملحن المعروف صالح الشهري تلحين اوبريت (مملكة الإنسانية) للشاعر عبيد الدبيسي الذي سيقدم في افتتاح مهرجان المدينة المنورة. وأكد الشهري ان الدبيسي سبق ان ناصفه نجاح احد اوبريتات الجنادرية.. مؤملا ان يجد الاوبريت الجديد الترحيب والنجاح. واضاف الشاعر الدبيسي ان الوطن أكبر ملهم له.. ويعيش في حالة عشق دائم لهذا الكيان الكبير الذي طالما علمه الحب وكيفية التعرف على الجمال.
وخص “عكـاظ” بنص الاوبريت الذي يقول:

مملكة الإنسانية
اسلامية
عربية
سعودية
وقوية بالله
وشعارها لا إله إلا الله
محمد رسول الله
وبيعه ورى بيعة
لحكامها مطيعة
ولا غيرهم لله
ذولا هل التوحيد
قوم على الملة
قلب العروبة ونبضها
اطهر ثرى في ارضها
ون جالها سيرة
ولا.. حكى عنها أحد
ترفع الرأس هالديره
ولا مثلها ديره أبد
من بدا النور فيها ما غرب
ولا هي مثل كل الشموس
اسمها الأول ترى بيت العرب
واسمها الثاني مكانه النفوس
من هنا كان الشعاع
اللي هزم خيل الظلام
والمصطفى الهادي المطاع
اللي ملا الدنيا سلام
سيدة كل البقاع
طيبة والبيت الحرام
بارك الله مدها والصاع
وبارك الله بالمقام
من يصدق من ضياع
من صحاري من خيام
من مرض جهل وجياع
حققت أعلى وسام
وقفت الدنيا استماع
سيف أصدق من كلام
يوم شالت بالشراع
كان ربان الإمام
ديرة معزى عسى عزك يدوم
يا منار الحق يا دار السلام
عن ثرى نجدك يطيبن العلوم
والعلوم تزين عن ذاك الإمام
يا سلام الله على قرم القروم
مدركينه بالخوال وبالعمام
صاح صياح الضحى يوم القدوم
بشروا وادي حنيفة بالغمام
هل بالعارض هماليل الغيوم
وريعت أرض الوعر هي والعدام
عقب ما هي مساري للسموم
يا سلام الله غدت برد وسلام
نداوي المجروح
ونساعد المحتاج
بالأرض نبني صروح
وللظلماء حنا سراج
وكم موقف إنساني
وياما زبن عاني
أهل المحنية
والطيبة والنية
من كثر فزعتنا
شعوب الأرض سمتنا
مملكة الإنسانية
هي السعودية
يا دار حنا حافظين الوصايا
والعهد باقي بيعته ما نقضناه
من نوخوبك راكبين المطايا
لليوم وانتي دوحة المجد والجاه
العز برقه مع بياض النوايا
والحكم شرع فله الشيخ يقراه
بيعة وفا تشهر عليها البرايا
سجل بها التاريخ تاريخ وامضاه
الشعب واحد ما غدينا رعايا
ذي راية التوحيد والحمدلله
الأمر شورى ما علينا وصايا
وكل حفظ عهده ودينه ومبداه
رابط:
من بدا النور فيها ما غرب
ولا هي مثل كل الشموس
اسمها الاول ترى بيت العرب
واسمها الثاني مكانه النفوس
من نسف زنده على مثنى عباته
جينا من كل الجهات مبايعين
أبو متعب من شبيهه في صفاته
والنعم به عاد في دنيا ودين
حدثت كل المحافل عن حياته
وش يقول المجد عن ذاك الجبين
خادم البيتين ليله ما يباته
كل همه في أمور المسلمين
واللي على يمناه حطه عضيده
سيفه ودرعه لاحما الجو ينخاه
يا ويل من هو بالمواقف ضديده
اليا نشر بأرض المعارك سراياه
هذاك ابو خالد فعوله حميدة
ياما لها في مدة الخير يمناه
وإخوانه اللي محتمين العقيدة
آل السعود صقور نجد المسماة
متحدين.. روح وجسد
ما تفرقنا إشاعه. ولا علينا من حسد
عندنا والله قناعه
ما يغيرها أحد
للولي امرا وطاعة
والله بعونه مدد
كلنا ربع وجماعه
ما نتفرق للأبد
بنتقدم بالصناعة
ونبني بعزم وجهد
منبر العلم وشعاعه
صرح شامخ بالبلد
وبرضنا حرث وزراعه
ومن زرع برض حصد
تاج على هالراس
ارض العطا والخير
هذا الولا يا ناس
ما هو عليها كثير
بقلوبنا الاحساس
ومثل العيون تصير
عمر الغلا ما يقاس
وهذي غلاها غير
شعبك قوي الباس
دايم وراك يسير
لأرض الوطن حراس
ولك مننا التقدير
دامه قوي الساس
واصل بنا التطوير
اليا سلم هالراس
اللي يصير يصير