كلمات: بدر بن عبدالمحسن
الحان: سراج عمر
غناء: طلال مداح، محمد عمر، عتاب

الله يرد خطاك لدروب خلانك
لعيون ما تنساك لو طال هجرانك
دام الأمل موجود فـ النفس خضاعة
حق العيون السود السمع والطاعة

الله يردك لي يا مطول غيابه
يا معذبي هجري ما ادري وش اسبابه
دام الأمل موجود فـ النفس خضاعة
حق العيون السود السمع والطاعه

ياللي بعدك اليوم يبكي على باكر
صبري عليك يدوم ما دمت لي فاكر
دام الأمل موجود فـ النفس خضاعه
حق العيون السود السمع والطاعة

كانك سمعت الناس وصدقت بي عازل
عني اسأل الاحساس ان كنت بي جاهل
دام الأمل موجود فـ النفس خضاعة
حق العيون السود السمع والطاعة..