عادة قديمة

اضحك يصير الحزن عـادة قديمـة

ما تطري إلا مثـل ما يطـري العيـد

اضحك تصير أقبح همومي وسيمـة

وابخل يدينالوقت فزعات أجاويـد

لا تخفت الضحكـة تراهـا حشيمـة

في شالهاغيمـة تلـوح لهالبيـد

محتاج لي فرحـة تعـادل هزيمـة

محتاج ليخطوة تمرد على القيـد

كم لي مقيـم وهالموانـي مقيمـة

والبحرما ينقـص ولا أظنـه يزيـد

حلمي وحلمك مثـل عقـد ويتيمـة

ما يلتقـونإلا بشوفـه مـن بعيـد

ما بيدهـا تختـار للعقـد قيـمـة

ولا بيـد العقـد يختـار لـه جيـد

اضحك وخل الحزن يندب هشيمـة

ما عمر يابس يرجع أخضر من إجديد

لك ضحكةٍ مثلك.. ذرابة وشيمـة

دايم تجينـي فـي زحـام التناهيـد

يا ما سرينا الليـل كـاس ونديمـه

أجرهـا مـن يـد وتجرنـي بيـد

نجلـس بريـح ما تبشـر بغيـمـة

نقطف مواعيدٍ .. ونغرف مواعيـد