فن المحاورة من الفنون الشهيرة والجماهيرية في الخليج العربي وقد ارتبط بالجمهور ارتباطا وثيقا في الافراح والمناسبات والاحتفالات بل ان شعراء هذا الموروث اصبحوا نجوما في سماء الشعر والاعلام ونختار لكم في هذه الزاوية محاورة شعرية جمعت الشاعرين رشيد الزلامي ومحمد السناني في احدى الاحتفالات.
الزلامي:
هلا يا مرحبا ترحيبة ترضي جميع القـوم
وأنا مدري جهينه وش يزعلهـا ويرضيهـا
تراني ما نشدتك يالسناني عن علوم اليـوم
أبا انشد عن علوم لي شهر وأسبوع ماوحيها
السناني:
يدوم بك البقا والقوم ما ترضى بحب خشوم
تقدم يالزلامـي للقضيـه وانـت قاضيهـا
سمعنا كلمة الظالم سمعنا دعـوة المظلـوم
تداوي علـة المظلـوم والا مـا تداويهـا
الزلامي :
ليا جت للقضا خليت عينك ماتذوق النـوم
على شأن الحصاه اللي من الهضبه تدربيها
أنا والله ما قسمت الحلال ولا حضرت قسوم
لكن اشكي على ربي ليا خربـت يسويهـا
السناني:
أقول الحمد لله يالزلامي ما عليه لـوم
أعرف انك تكحل عينها والصبح تعميها
من اللي قسم التفاح والرمان والبرشوم
أظن أصحابك الغالين ماليةٍ مخابيهـا
الزلامي :
اكحل لي عيون رجال لن جا في العلوم علوم
وليلـى مـا نكحلهـا يكحلـهـا بناخيـهـا
أحد ياكل من النخله واحد من شجرة الزقوم
اخذها يا ولد متـروك واقبلهـا بمـا فيهـا
السناني:
أعرف انك سلالة قوم ما أنت من الظفر محروم
لكـن فالربـع افنديـه عليـك تطـول أياديهـا
ما دام انك من البارح قسمت القوم فرس وروم
ترى كـل محاسـب بالصـلاه اللـي يصليهـا
الزلامي :
يا مشا الله يبي ينفخ شريم وبرطمه مشروم
ليا حاول يشب النار جاهـا مـن يطفيهـا
ليا ضيعتها في وقتها مانـي بهـا ملـزوم
عساكم في الجحيم وذمتي منكـم مبريهـا
السناني:
أراد الله ومن نجم السما طاحن ثلاث نجوم
عسى الله لا يعين اللي على راسه مضويها
وحنا نحترمك ولا نبيح بسـرك المكتـوم
نخاف الله لو انك صرت حاميها حراميهـا