بعض البشر ودك تشيله على الراس
مثل الـعـقـال تثـبـتـه فـــوق راســـك
فـي خوتـه تلقـى.. مـعـزه ونـومـاس
وتفخر بفعـلـه بـيـن ربـعـك ونـاســك
حطـه علـى يمنـاك لا حتجـت للـنـاس
وابشر بوقـفـة حــر تجـلـى عمـاسـك
يشيـل عنـك الـهـم مــا يلحـقـك بــاس
لو كان كـبـر طـويـق هـمـك وبـاسـك
حـرٍ كريـمٍ شـهـم ما يـعـرف الـيـاس
يزيل هــــم قــاطــع مــنــه يــاســك
عـديـم وصــف وهـدتـه هــد قـرنــاس
يعجبك بافعـالـه ويشـعـل حـمـاسـك
عشق المراجل طيب يا طيـب السـاس
طيبك وفعل الطيب من طيب ساسـك
يعـنـي ليا خاويت دور ولد ناس
لا تنخدع فـي نـاس مـا هيـب ناسـك
البـس علـى كيفـك وفصـل بمقـيـاس
لا تبتلش فـي ثـوب مـا هـو بمقاسـك
لا تنشغـل بأهـل المظاهـر والالـبـاس
من قربـهـم تـنـدم وتـحـرق البـاسـك
بيـن المـعـادن يختـلـف لــون الالـمـاس
عندك وميــز لـونـهــا والـتـمـاسـك
(وكيل رئيس المراسم الملكية ــ سابقا)