الهواجيس ذود إمـن المطايـا
مارعت في ديار (ن) جرهديـه
والقصائد تضيق إبهـا الحنايـا
لين تقرب مطيـه مـن مطيـه
ثـم تشتالهـا شيـل الرزايـا
ويفزع القاف للمعنـى حميـه
القـدر سيـف قـدام المنـايـا
لو طعن طعنتـه طعنـه قويـه
والمجاريح وإعيـون الصبايـا
والمعانـاه حـاجـه داخلـيـه
ماتطيب الجروح إمـن الهدايـا
ولاعـلاج الجـروح أغلا هديـه
وماش مخلوق معصوم الخطايا
غير ربي عصـم عنهـا نبيـه
بس أقول الخطايا في السجايـا
تمحي في الكفـوف العاطفيـه
وكل غلطه لهـا دايـم ضحايـا
مثـل مالعفـو عنـد المقدريـه
زايد إعداي من نقص أصدقايـا
ينقص الخيـر وتزيـد الأذيـه
وأترك الوسع وأجلس في الزوايا
لجل أحاسبك يالنفـس البريـه
وكل ماقربـك ياذيـك المرايـا
مابقـى فيـك حاجـه واقعيـه
صورتي فيك وإحساسي شظايـا
اعكسي صورتـي مثـل عليـه
اعكسيهـا علـي كـل النحايـا
مثـل ذيـك الليالـي الأوليـه
كان باقي من الماضـي بقايـا
ما تغيـرك غلـطـه مطبعـيـه
ارجعي مثـل مانتـي يالمرايـا
واعكسي صورتي مثـل عليـه
لجل ما طاب جرح من الهدايـا
ولاعلاج الجروح اغـلا هديـه
عبد الإله شلواح العتيبي (الرهاوي)