فينك ياجاويد انا ادور عليك من اول.. انا في عمو أي كدمه.. تعال معايا البيت عندي كم قلب لمبه يبغالها تغييير.. اوكي عمو دهييين نروووه.. المهم وصلنا البيت وقعد اخينا جاويدي يهندس في اللمبات يقطع سلك ويزبط سلك ويمسك مفك وينزل زراديه وهوه بيشتغل طاحت اقامته من جيبه فتحتها لقيت مكتوب فيها المهنه مزارع
ضحكت بيني وبين نفسي وقلت يا عيني مزارع وماسك في يده فيوز المهم خلص من شغلتو وقولتله يا جاويد ابغى واحد سباك يجي يصلح السيفون.. رد عليا وقال انا في سباااك.. كمان سباك يا سلام يعني انت اتنين في واحد.. رد علينا وقال بابا انا مو اتنين في واهد انا عشره في واهد انت ايش تبكا انا اسوي.. كهرباء سوي.. سباكه سوي.. بويه سوي.. ايو هاجه انا اسوي.. سالته كم تكسب من الشغله دي في اليوم.. رد عليا بعد ما نفش ريشه وقال ممكن 500 ريال في اليوم وفتح باب الشقه وخرج بعد ما خلص شغله ولطش من يدي 100 ريال.. خبطت يداتي اخماس في اسداس قلت مصيبه ايه دي فين شبابنا اللي بيتخرجوا من المعاهد الفنية والصناعية فينهم من هادي الاعمال اليدوية اللي تكسبهم دهب فين بيروحوا لما بيتخرجوا من هادي المعاهد.. التعليم المهني في البلد قديييييم له اكثر من 30 سنه واللي بيتخرجوا من هادي المعاهد اكيد حيكونوا بمئات الالوف والميزانة حقته بملاييين الريالات فين بيروحوا شبابنا اللي بيتخرجوا من هادي المعاهد.. اكيد وهدا اللي حاصل انه هادول الشباب بعد ما يتخرجوا من هادي المعاهد راحوا على وظائف اداريه وقالوا في نفسهم يبويا بلا قرف ووجع قلب خليني على المكتب ده وكفايه عليا كده ياريت التعليم المهني يعطينا لسته بالمهن اللي بيزاولها شبابنا اللي بيتخرجوا منها. معقوله 30 سنة ومافي البلد سباك ولا كهربائي ولا نجار ولا حتى بويجي يشتغل لحسابه الخاص؟! والله مصيبه ومصيبه كبيره اذا كان طووول هادي السنين كلها وما عندنا في البلد واحد زي اخينا جاويد لكن ايش نقول الا عيشوا كتيييير تشوفوا كتيييير.
ضحكت بيني وبين نفسي وقلت يا عيني مزارع وماسك في يده فيوز المهم خلص من شغلتو وقولتله يا جاويد ابغى واحد سباك يجي يصلح السيفون.. رد عليا وقال انا في سباااك.. كمان سباك يا سلام يعني انت اتنين في واحد.. رد علينا وقال بابا انا مو اتنين في واهد انا عشره في واهد انت ايش تبكا انا اسوي.. كهرباء سوي.. سباكه سوي.. بويه سوي.. ايو هاجه انا اسوي.. سالته كم تكسب من الشغله دي في اليوم.. رد عليا بعد ما نفش ريشه وقال ممكن 500 ريال في اليوم وفتح باب الشقه وخرج بعد ما خلص شغله ولطش من يدي 100 ريال.. خبطت يداتي اخماس في اسداس قلت مصيبه ايه دي فين شبابنا اللي بيتخرجوا من المعاهد الفنية والصناعية فينهم من هادي الاعمال اليدوية اللي تكسبهم دهب فين بيروحوا لما بيتخرجوا من هادي المعاهد.. التعليم المهني في البلد قديييييم له اكثر من 30 سنه واللي بيتخرجوا من هادي المعاهد اكيد حيكونوا بمئات الالوف والميزانة حقته بملاييين الريالات فين بيروحوا شبابنا اللي بيتخرجوا من هادي المعاهد.. اكيد وهدا اللي حاصل انه هادول الشباب بعد ما يتخرجوا من هادي المعاهد راحوا على وظائف اداريه وقالوا في نفسهم يبويا بلا قرف ووجع قلب خليني على المكتب ده وكفايه عليا كده ياريت التعليم المهني يعطينا لسته بالمهن اللي بيزاولها شبابنا اللي بيتخرجوا منها. معقوله 30 سنة ومافي البلد سباك ولا كهربائي ولا نجار ولا حتى بويجي يشتغل لحسابه الخاص؟! والله مصيبه ومصيبه كبيره اذا كان طووول هادي السنين كلها وما عندنا في البلد واحد زي اخينا جاويد لكن ايش نقول الا عيشوا كتيييير تشوفوا كتيييير.