الــيـوم يــا حبـــايب عندي هرجه وياريت كل أب وكل أم يخلو بالـهم منها لأنها مهــمــه بالــنـسـبـة لهم ولبناتهم كمان.. هرجتي اليوم عن بناتنا المقــــبلين على الزواج وزي منتو عارفين إنو بعض البنات في الأيام دي تســـتنى العريس الغني اللي يسكنها في فيلا ويجبلها الشغاله ويجبلها الهدايا ويســفــرهــا ويأكـــلها في المطاعم. يعني الــشـغـلـه زي ماتقــــولوا كده حاطه عينها على فلوســـو وأملاكه وما تدري البنت إنو هدا الشي غلط، وإدا كان اليوم عندو يمكـــن بكره ماعندو، والواجب من أبهات وأمهات وأهـــل البنت هــــادي اللي بانـــيه حـيـــاتها على أحلام وأوهــام انهم يــفـهـمـوهــا إنه الحيــاة الزوجية مو كده.. الحياة الــــزوجـــيــة هــــيــــه الموده والرحــمــه.. وأساس الحياة الـــتـفــاهــم والصبر والتقدير وإنـــو الفلــــوس مو كل شي، والفلـــوس نحنا اللي نـجـيـبـهــا مو هيا اللي تجــيـبـنــــا، وخدوهم فـــقـــراء يـغـنـيـهـم الله من فضـــله والحياة الزوجيـــة مسؤولـــيــة وتكــامـــل، يعني كــــل من الزوجين بيكــــمل الـــتاني والزواج عمره ما كــان تفاضل وارتــبــاط جســـدي وبس.. المــهــــم من هدا كــلــــه إنه الـــواحد ما يدقـــــق على أتفه الأسباب لأنـهـــا مع المهـــاترات تكـــبر وتسير غــشــنــه وهــرجه كــبـيـــره زي هـــرجة أخونا أبو خداش اللي راح خطــب ولمن ســــألـــوا عليه أهــــل العـــروســه قـــالـــوا عنو إنو راح يجبلك فيلا وخدامه ويخليكي مــتـنـغـنـغــــه وهيا المـــسـكـيـنـة صدقـــت وصارت تحلم بالفــيلا والخدامة وبالســـفـــر والهدايا ونــسـيــت مســــؤوليـــتها تجاه زوجها وبيتها وبعـــد كــــده عـــيالها وقبلت بيه عــشــان الفخفــخة والــنغــنـغــه وكـــأنها رايحه رحــلــه تتونس فيها مش مشــاركــــه في الحلــــوة والمــــرة، والـــنـــتـيـجـــة إنه الــفـــاس جات في الـــراس وعـــشـــان كـدا أنصـــح كــل أخواني وأخواتي اللي عــنـــدهــم بـنـات على وجـــه زواج إنو بناتهم أمــانـه في رقـبـتهــــم ولازم يعـــلــمـــوهــم الـــقــــنــــاعــــة والتحمل والصــبـــر والصــــدق وعدم الكـــذب وإن الحياة فــــيهــا الحلـــوه والمــــره ولا بد من احترام بــيــت الـــزوجــيـــة وعـــدم افــشـــــاء أســراره. عـــشـــان كـــده بــتـمـنـى من الله سبحانــه وتعـــالى إنو يهــني كــل عريس بعروسته. وعيشــوا كتيييير تشوفههوا كتييييير.