اتعنّـى لـك ولا احـسّ بعنـاي
ألف ميل اتصير لاجلك نص خطوه
واتهنّى معْك حتـى فـي شقـاي
كل جرح ٍ منك له في القلب نشوه
لى بغيت آجيك تسبقنـي خطـاي
وان بغيت آروح شفت الشبر عنوه
واعتذر لك قبل ما يبـدر خطـاي
واشعر ان العذر حتى العذر هفوه
مستحيل انسى او اقسى يا هـواي
أي نسيـان ٍ حبيبـي واي قسـوه
وانت يا روحي بعد كـل اقربـاي
ما بقى للقلب غيرك انـت عـزوه
كن صوتك لى همست لحون نـاي
أو وتر عود ٍ يقسـم قبـل غنـوه
والوصايف بك تكمّـل يـا منـاي
بابتسامه ساحـره وعيـون حلـوه
من عطـاه الله مثلـك يـا منـاي
لو دفع عمره من اجل رضاك فدوه