شفت أنا خلي ولكن مدري وين
افتكرت اني رأيته بالمنام
التقينا بعد ما طالت سنين
وصافحتني بيدها وقالت سلام
تبتسم والعين فيها دمعتين
دمعة الاشواق ودمعات الهيام
وابتديت انظر لها بلهفة وحنين
وابتدا ما بيننا صمت الكلام
وطالت المدة بنا متقابلين
والكلام اشبه بنبضات الغرام
حكيها من نبضها والله يبين
ذبذبات الحب هذي والوئام
وارسمت بالشاطيء احلى رسمتين
قلب ضم حرفين فيها انسجام
وافتحت يدها ومدت وردتين
وانحرجت وقلت عداك الملام
وانورت دربي بحنان وشمعتين
قلت اجل ولى هذا عهد الظلام
وأثرني أحلم بقصة عاشقين
وزادت جروحي ودمعاتي ركام

بندر الشلوي - الطائف