فمان الله دام آخر سواليفك عن التقصير
دخيلك ترحلين القلب ما يقوى على عتابك
تعبت أجامل غيابك وأصدق كذبة التبرير
تعب حتى زمان كان ما يرتاح في غيابك
تحمل يا خفوقي طعنة الغدر وعنا التفكير
تحمل سالفة عشق يتيم وقفل أبوابك
تهجيت الدموع اللي على خدك حسبتك غير
وقريت الملح والغربه على أول صفحة كتابك
عشقتك في مشاويري وأنا ألعن سيرة التأخير
ليامر الوعد ما شفت لاتوتك وعنابك
وسقيت اخر جروحك ما حسبت لقصة التأثير
من اعماقي اولع شمعدان الحب وأحيابك
تعاهدنا على صدق العطاء يوم الزمان بخير
وخنتي صبحك الطاهر ومات الورد بأسبابك
تأثرتي بطعم الوقت دايم يعشق التغيير
وأنا اللي ما تجرأ يطعنك في زحمة أحبابك
بعد ما عذبك وقتك تجيني بلعبة التبرير
توكل دام غدرك واضح لونه على ثيابك
على فرقاك أهني خاطري واللي يصير يصير
يرجعك الطريق اللي بدأ مشواره وجابك
فمان الله دام اخر سواليفك عن التقصير
دخيلك ترحلين القلب ما يقوى على عتابك