يالله يالمطلـوب يـافـرد واحــد
ياللي عليـك السـر ماهـو بخافـي
تعلم خفايا الأمـر فـي كـل واحـد
وأنت الرحوم اللي على العبد شافـي
انك تعين اللي علـى نهـج واحـد
نهج الرسول وشرع الاسلام ضافـي
وانك تعز اللـي علـى راي واحـد
طيبه ونية صـدق والقلـب صافـي
تنوعت الأسبـاب والمـوت واحـد
ومن لم يمت بالسيف فالموت لافـي
بيت من الحكمة سبـق فيـه واحـد
ابن نباتـه فـي السنيـن العجافـي
شاعـر تميمـي ما ذكرغيـر واحـد
وقول الوفاء والطيب عـدلٍ وكافـي
ياللي سؤالك من ضحى العام واحـد
في وقتنا اللي صار فيـه اختلافـي
تسأل عن أصحابي وأنا شخص واحد
اسمع وغيرك من صديقي السنافـي
والله ورب البيـت ماهـو بـواحـد
ياكثرهم وقـت الرخـاء والعوافـي
غير إنهم في الضيق بالكـاد واحـد
تلقاه فـي الحاجـة قريـب ووافـي
يقوله اللي شاف فـي وقـت واحـد
فـرق الرجـال العاليـة والهوافـي
وقصيدتي وإن جات بالصدر واحـد
ماهو بعجـز غيـر فكـر احترافـي