الموت ماهو لحد وتـراب وأكفـان
الموت غربة وقت وأصحاب وأخوان
والهم كل الهـم لاطـال بـك ليـل
مالك معه صاحب يسامرك بالحـان
طالت مساريب السفر والمسافـات
ما في السما غيمـه تبشـر بهتـان
أنا وحيـد الـدرب لـولاك ياذيـب
تشكي همومك يوم أناجيك باشجان
ياهل ترى مثلي تعانـي وعانيـت
من فرقة أحبـاب ونـاس وخـلان
باكر بتالي الليـل برحـل وأخليـك
يم الجنوب لدار خلـي والاوطـان
ياعل بلقى ريحـة البـن والهيـل
وأروي عطش قلبي من الود فنجان