وحدي وصمت الغرفة أزعجني وهو يمطر جماد
سكون و أعصابـي تبادلنـي جمـود الأسئلـة
وحدي و ثلثـي نـار تتوقـد وثلثينـي  رمـاد
أجهل مكاني واعرفه/ وأرجع واعرفه  وأجهلـه
غريب و أحلامي على أول نبتها غنّى الحصـاد
كيف أبتدي والبحر ما يـروي طفولـة جدولـه
إذا أنفتح باب الصراحة وأنطفى جـوع الحيـاد
هبّـت ريـاحٍ تزهـق أنفاسـه وفجـأة تقفلـه
وإن مرّ في خانات ذهنـي لإرتحالاتـي بـلاد
تاهت عناويـن الهدايـة بيـن جـدّ  ومهزلـة
أرذل مساحات العمر لا صار للفقر امتداد
 و أردى مشاوير الصعود اللي تحاول تنزله
تعبت أصيغ من البياض أوقات وأيامـي سـواد
هذا المصير الواضح «المبهم» سكنِّـي منزلـه
تعبت أقنّع نظرتي و أنقش على صخـر العنـاد
أمشـي ترددنـي عبـارات الجنـون  العاقلـة
و أنا و غربة دفتري نقتـات قـرب  الابتعـاد
بيني وبينك يا وطـن أسـوار ليـل  المرحلـة
راحت سنين العمر ما عوَّد على الطْرف  ارتداد
ودِّع زمان البوح يا صمت الحناجر و أدع  لـه
باقي في أعماقي سؤال أشبعتـه أوراق  ومـداد
ليا تذكرتـه عرفـت إن الإجابـة أسئلـة