عوافي يا مجرد طيف أشوفـه مـر قدامـي
أصدق كذبتي بشوفه وأصافح بالوهم يمناه
عوافي يا السراب اللي سكن في أجمل أحلامي
سراب (ن) عانقه حلـو الأماني و الـوله ناداه
يقول أبقى معي بالحلم يا مستقـبـل أيـامـي
وداوم في زياراتـك و خـلك بالـوصـل رجـواه
تصدق رغم ياقربك أشوفك صـرت بأوهامـي
ورغم إنك معي دايم أحسك طيف أبي ألقاه
و رغم إني معك أصدق و ناظر بصمة إبهامـي
على كل الكلام بمجمله أو ما سبـق فحـواه
تحسسني قبل لا أعيش مـن موتـي بإعدامـي
ويسبقني غموضي لك و هذا اللي تبي تقـراه
وضوحي ما قـدر يوصل وكنـه مـن ورى لثامـي
وحتى الطرحة اللي تحجبه عافته مـا تبغاه
عجزت أوصل لتفكيرك ولا ساندنـي إلهامـي
وكل اللي تشوفه في عيوني لو بغيت أنساه
خلاص اللـي أبـي قلته وحتـى جفـت أقلامـي
وصرت أصدق الكذبة و طيفك مد لي يمنـاه.
عوافي يالسراب اللي سكن في أجمل أحلامي
سـراب (ن) عانقـه حلو الأمـاني و الولـه نـاداه.