يالغـلا طالبـك أنطرنـي دقايـق
ما بقالك غيـر يوميـن وتـروح
طالع عيوني وتوحي بي شهايـق
والكلام أحيـان يبطـي لا يبـوح
عيش فيني حلم وأحيابك حقايـق
أعتبرني شخص أضناه الطمـوح
من زمان آآقول هذا الجرح فايـق
دايم آخيلـه مـع النجمـة يلـوح
مع صباحات الوله هالجرح رايـق
ومع أنين الأمس هدت بي صروح
زارعك في داخلي ورد وحدايـق
وآتحرى العطر من صدري يفوح
يالغلا والله ماني بـ (أمتضايـق)
أعطي الدنيـا وتهدينـي جـروح
ما بقالي فـي بساتينـي رحايـق
ولا بقالي بي سوى نزعـات روح
شوفني في داخلي نـاس غرايـق
صابـرة لكـن واللـه مـا تنـوح
صرت أنا والهم والفرقا شقايـق
والفرح لا شافني بوجهه يشوح
وش علام الضيق لامن مـر بـايـق
يسرق الضحكة من الوجه الصبوح
الأمـل قدامـي الحيـن إيتهـايـق
خايف يشوف الفرح برى شحوح
أذبحي في عيـد لقيانـا عقايـق
وانشريني في سما عمرك وضوح.