تنادينا الأماني يا جناحـي.. والأراضـي صغـار
على مد الطموح.. ولا تطيـع الريـح والراحـة
تلوى فـي فضـاك الحـر لا تتعـب ولا تنهـار
تمادى في الغياب ولو حملـت بصـدرك جراحـه
تنادينـا علـى آخـر مسافـات البكـا البـتـار
رجاء لا تضيع أكثر.. وسـر العمـر مـا باحـه
تقول إن العمر ومضات ودروب السنيـن قصار
ولا تعـرف أنـا مثلـي حياتـه رفـة جنـاحـه
تقول اطوي جناحك.. والعمرلك.. والحياة إعصار
إذا مـا طيحـك يمكـن تضيـع بثـورة جماحـه
تقول ارم المدى بالهجر.. وابني للضيـاع جـدار
تقول انسى الجروح.. وطول مشوارك.. ومشواحه
تقول احيا.. وانا ويني.. ووين احيا.. ووين اختار
وانا مالي وطن يكفي طموحـي واقـدر اجتاحـه
أحبـك هالفجـر لمـا يخيـب الظـن بالسمـار
واحبك يـا غروبـي لاطعنـي النـور برماحـه
مدن هذي السنين... وكل عام مطـوق بأسـوار
وانا ماني رفيـق الأرض والجـدران والساحـة
وشوفي لي فديتك عمر يجهـل قصـة الأعمـار
بريء من القيـود وضجـة النمـرود وصياحـه
وشوفي لي وطن مابه حديد.. وموت نبض.. ونار
ورمـل مايفـوح بريحـة أمواتـه ولا أشباحـه.
وأضحي بالفضا لجلك وأعـود لمنبـت الأزهـار
وأموت أول ما تلمس رجلي الأرض ... بعذر راحه.