فز الوطن وصاح آه آه آه طعني الابن وانا له ربيت. بيننا حب ولقمة عيش وملح ودم وصلاة وجيرة وسمر وشمس وقمر من بيتنا لسابع بيت. كان ولدي صديقه وما يمشي إلا بطريقه يحكون يضحكون لحد البكا لحد الجنون، ما دري ابني انه يسير مع شمشون وأن الفصل اللي يلمهم مجرد مكان مجرد وهم وللغدر خطوة في عالم صار مجنون. اوه قالها رجل عجوز يا وليدي ما شفت شي آه يا خوفي من الحاضر ومن اللي جي. انا يا بوك عشت أحلي أيامي زمان. صحبة وسمر وروحة للمسجد سوا وصلاتنا بنفس المكان. صديقي يطلبني سلف أعطيه قرشين يقبل اجبيني ولو طاوعته باس الايدين. نتكلم ما نخلي شي ما نضحك منه وعليه. الا الدين الا الوطن الا ولاة الامر رعاة الأمن وجيه السعد الملك وولي العهد ورجال حفظوا البلد. رجال الأمن حبايبنا اخواننا أصحابنا لا جا مكروه لا قدر الله لقيناهم عند بابنا. أما أبناء الوطن من شرقها لغربها ووسطها وشمالها وجنوبها. اسلام وعرب دم وعصب. عرق ونسب ما همها غير محبوبها. محبوبها اللي سكن في قلبها وجنوبها. إيه يا زمن نبغي نعيد نفس اللحن نفس القصيد بنفس الشجن نبغي نغني أوبريتنا حب الوطن.